از این دنیا ولی خیلی بزرگتر             

 نه ترس سایه بود نه وحشت باد                

نگو بزرگ شدم نگو که تلخه                                   

                                   نگو گریه دیگه به من نمی یاد

دنيا اينيب آغلامدا قوجقلاب يردان آلدينگ
من يالاغنچ گليب ديم سن آليب دونا سادينگ
اوز جانينگ شيره سندان اوز تنیگدن سويت بردينگ
بارليغيم سنينگ بلين دولي مهرينگدان انيم

لحظات شادي خداراستايش كن *

                         لحظات سختي خداراجستجوكن *

                                لحظات آرامش خدارامناجات كن *

         لحظات دردآوربه خدااعتمادكن *

ودرتمام لحظات خداوندراشكركن

الهی!

نه من آنم که ز فیض نگهت چشم بپوشم*

نه توآنیکه گدا را ننوازی به نگاهی*

در اگر باز نگردد نروم باز بجایی*

پشت دیوار نشینم چو گدا بر سر راهی*

کس بغیر تونخواهم چه بخواهی چه نخواهی*

 باز کن در که جز این خانه مرا نیست پناهی* ****

   اؤيونه گليپ، اؤز تانيش سوديگأرلريندن تـفـنگ سوراغينى سالدى. بيرايكى گون گچن سونگ، بير سوديگأرينگ گيزلأپ آليپ قالان تـفـنگينى اون تومن پول بريپ، آلدى …

   طواق بأش آتارى اله سالاندان سونگرا: « عجب بير آبرايا دوش گلديم، يئـنـه بير حالى ايه سى بولدوم» ديـيپ، اول گيجه سى ده بگنيپ ياتدى …

   ارته سى چاينى چالا چولا ايچيپ، الينه بأش آتارى آليپ، نيرده آدم كؤپ بولسا، شولارينگ يانيندان گؤز اديپ، ساللانا ساللانا حكومتينگ اداراسينا قارشى گيتدى. اؤنگوندن دوش گلن آدملار، هميشه كى واقـتدا اؤيلرينده ايكيدن اوچـدن آسليپ دوران بأش آتارلارينى يادلارينا ساليپ، باقيپ باقيپ قاليارديلار.

  طواق حكومتينگ يانينا باريپ:

–       اينه، جناب ريئس، خـدرينگ بأش آتارى – ديـيپ، اؤزى نينگ كؤنه دوستى بولان حكومت باشليغينا تـفـنگـى بردى. حكومت توسساغ خانه باشليغينى چاغيريپ:

–       شو ساعت خـدرى توسساغدان خلاص اديپ، طواغـا بر– ديـيدى.

  توسساغ خانانينگ باشليغى وكيل باشى دررو باريپ، خـدرى توسساغدان چيقاريپ، آليپ گليپ طواغـا قاوشيريپ:

–       طواق حوجايـين، گؤزونگ آيدينگ، پاپروس(سيگار) پولينى بر– ديـيپ الينى سردى. اوتانمان، طواغـينگ برن دؤرت قيران پـولونى اليپ، جوبسينه سالدى.

    طواق خـدرى اديل بازارينگ اوستوندن گچيأن كؤفرى نينگ اورتاسى بيلن اونونگ اؤيلرينه قارشى آليپ گيتدى …

دؤندى نينگ انه آتاسى نينگ آغلامالى گونى 

  گتيريليپ بؤره تاشلانيپ، ايزيندان هم بؤورينه دفيلن دؤندى اوزاق گيجه سينى بورولجيراپ گچيردى. ارته سى گون دوغـوپ دوغمانقا، اوبانينگ بير بؤله گـى اوقـودان اويانيپ، بئيله كى بير بؤله گـى (دوكانچيلار و شونگا منگزشلر) هم هنيز سويجى اوقودا ياتيرقا، دؤندى كله سينى توتوپ «كلـلأم آغيريار، يوره گيم بولانيار» ديـيپ يريندن قالدى. اجه سى بولسا مونينگ سؤزينه هيچ بير أهميت برمأن، يوزينه ده باقمان، يوزينى آسيپ، اؤز ايشلرى بيلن مشغول بولوپ يؤردى. دؤندى اؤزى يارامان ياتسا دا، ايچيندن: « واخ، مرادينگ حالى نأجــره بولانقا؟» ديـيپ، آخ چكيأردى …

  اونونگ حالى گون گونده آغـيرلاشيپ، يآنينى بوتين لى يره بردى. اوچ دؤرت گون اؤتدى. اوبانينگ طبيب لرى نينگ درمانى بيلن هم ياغشى بولوپ گيديبرمـدى. كوميش دفه ده اؤزينه دكتر آدينى بريپ، قاريب بيچأره لرينگ قانينى سوريپ يؤرن بير يآريم فلدشير[دكتر كمكچيسى] باردى. شونگا آيتديلار. اول هـر گونده بير يولا گليپ، ايگينه اوريپ، هرسينه دؤرت بأش تومن پول آليپ، كـيفـينى كؤكلأپ گيديأردى. اما اونونگ كه يفـى نينگ كؤك بولماغـى، دؤندى نينگ حالينا يكجه ده تأثير اتمه يأردى. قايتام گون گوندن اجيزلمأگه باشلادى. دأده سى پرمان حاجى قـيزى نينگ  بو حالينى گؤريپ، «آسترآباتدا [حأضيركى گرگان] بير ياغشى دكتر گتيره يـين ديـيپ، شهره گيتدى.

   آرادان ايكى گون گچندن سونگرا، بير دكترى آليپ گلدى. بو دكتر هم اؤزى نينگ درمانى بيلن دؤندينى بيرايكى گون ساقلادى.

  اوچونجى گون ارتير اير بيلن توروپ، اونونگ حالينا باقيپ، پـرمان حاجا:

–       بو گون آغشام دؤندينى يكه ياتيرمانگ – ديـيدى. دكترينگ بو سؤزيندن پـرمان حاجينگ گؤزلرى دؤرت بولوپ، اونگا يوزله نيپ:

–       نأمه آيديانينگ؟ قـيزى مينگ حالى نـه نگ، دوغـروسينى آيت– ديـيدى.

–       هيچ زات يوق، يؤنه قـيزى نگيزينگ گونى دولوپدير …

   پـرمان حاجى بيلن اونونگ عيالى فاطمه سـُـوجاشيپ آغلاماغا باشلاديلار …

  دكتر دوغـرى آيديپدى. دؤندى دمينى زوردان آلياردى. اول بيچأره تـرجه بير گل كأ، دنيا بيلن حوشلاشماسينا سبأپ بولان آتا انه سى نينگ يوزينه باقيپ، اؤليپ بارياردى. آتاسى سوجاپ، انه سى بيلن اونونگ يوفــك يالى يومشاق، كؤمور يالى قارا ساچلارينى سيفاپ: « قيزيم، راضى بول» ديـيپ آغلاياردى. دؤندى گؤزينى آچيپ ياتيشينا آتا انه سى نينگ و دوغانلارى نينگ يوزينه باقيپ، آخرقى سؤزينى هم آيديپ بيلمأن جان بردى …

مرادا چيـبـيـق اوريلماغـى

   اوقيجـيلارينگ ياديندادير– مراد، خـدرى نايب ينگ عاذاپلى اليندن آلاندا نظامى نينگ تـفـنگ قـونداغـى بيلن اوريپ، مرادى يره سرنــى. شوندا نظاميلارى ايزينا تيركأپ باريارقا نايب، مرادا:

«حـوپ، سنگكى بيلن منگكى بللى بولسون» ديـيپدى.  نايب شول ساعـتدا باريپ، حكومته: « مراد منى مسخره اتدى، خـدرينگ تـفـنگـى نينگ بار يوغينى بيلجك بولوپ جزا بريپ دورقام، اونى منينگ اليمدن آلدى و …» ديـيپ، حكومتينگ [حاكمينگ] يوره گينه مرادا قارشى اؤنگكيدن ده بتر بير دوشمانچيليق قاراسينى سالدى. اول گون خـدرى نايب ينگ اليندن آلانى اوچين مرادا قرق چيــبـيـق اوريلمالى اديلدى. مراد هم شول ياتيشيندان گؤزى غآنمان، ارته سى قـوشلوق واقتى توردى …

   مرادينگ توسساغا دوشه نينه اون اون بأش گون بولوپدى. بو مدتـده چيـغ ايزغـارلى آمباردا ياتيپ، دوزگونلى چاى نهار أيـيپ ايچمأنى اوچين (اونگا اؤيلريندن بير دؤوم چؤرك بيلن بير دكمچ چاى گليأردى)، حالى گون گوندن آغيرلاشسا دا، ايچينده بير ولكان ( آتشفشان) قايناپ چيقـيپ، اندامى نينگ قانلارينى جانلانديرياردى. اونونگ گؤزلرينده بهار باغچه لارينداقى سوولار يالى بير دورى ليق بآردى. حالى نأچه آغـرالسا دا اجيزله نيپ، زارين لاماياردى. اول بو قـارانگقى اؤيده هيچ بير گويچدن قـورقماياردى.

   بير گون گونورتا واقتى آمبارينگ قاپـيسى آچيلدى. قاپى نينگ آغـزيندا اوچ سانى الى ياراغـلى نظامى پـيدا بولدى. مراد اولارينگ اؤزينى داشاريق چاغيريانديغينى گؤريپ، ايچيندن: «حاى، منى آزاد اتجكلرآو!» ديـيپ، دررو يريندن توردى. نظاميلار اونونگ يانينا گليپ، يـنـه اللرينى بير بيرينه دانگديلار. اونسونگ آمبارينگ يانيندا دوريان چـيـبـيـق چكليأن آغاجينگ يانينا آليپ بارديلار. مراد دانگـغيلى الينى بوشاتجاق بولوپ، ياغـرينينى تونگنگه رديپ، كوكلرينى قالديريپ، ايكى باقا نأچه اورونسا دا، اللرينى بوشاديپ بيلمدى.

   مرادينگ يانيندا يانگقـى اوچ نظاميدان باشغا دا، اونونگ اولاردان هم اون اسسه بتر دوشمانى بولان نايب، يئـنـه ده اللرى چيـبيـقـلى ايكى سانى نظامى باردى. چيبـيقـلى نظاميلار، مرادينگ اگنيندأكى كؤنـه جه چأكمنجيگينى ده سيـپـيريپ، دينگه كؤنــكجـه قالان مرادى چيـبـيق اوروليان آغاجا بآغلاديلار. مراد باشينى قالديرسا، كوميش دفأنگ بوش بيكار آدملارى نينگ بيرنأچه سى اونونگ داشينا اگريليشيپ دووردى. اولارينگ كأبيرى باشينى بولاپ، ساقغاللارينى ديشلأپ، دوران بولسا، كأبيرلرى يئلغيريشيپ سر اديشيپ دوورديلار.

  چيبـيقلى نظاميلارينگ چيـبيقلارى نايب ينگ  بويروغـى بيلن يوقارى قالدى. چيبيغينگ بيرى ساغ، بئيله كيسى بولسا، سول گؤره جى نينگ اوستونه شاپلاپ دگدى. مراد بيچأره دسلاپقى چيبيقلاردا سسينى چيقارماسا دا، دؤرت بأشينجى چيبيقلاردان تأ اون بأشينجى چيبيغا چنلى «آخ لاپ» بورولماغا باشلادى. سونگ مراد اؤزينى يـيتيردى. گؤزى يوموليپ، كله سى ساغ گردنينه يوكلندى. بولار:

« ايندى مرادينگ ايشى بيتدى» ديـيپ، اونى چؤزيپ گتيريپ، اؤنگكى آمبارينا آتديلار. اونونگ اندامى توتوش غآنا بولاشيپ، آباد يرى قالماندى. اول آمبارا گتيريليپ گتيريلمأنكأ، اؤگأپ،  قيزيل قان بيلن قآريشيق سارى سوو قـوسوپ اوغـرادى. سونگ هم توردان چيقاريليپ، دومبالا (قايق ه) سالنان بآليغينگ قـولاغـاينى قالديريپ، اؤيكه نينى چيشيريپ، هـوا سوريشى يالى، اللرينى قالديريپ، اولودان دمينى آليپ، بير « اوفله دى ده»، حالسيز حالده سولــونا ســرره لدى …

  خـدرينگ توسساغـدان چيقاريلانينا يـُـونگسوز وقت گچيپدى. شو آرادا اول مرادى توسساغـدان حالاص اتمك فكرينه دوشسه ده پاره پشگش برمأگه پول تاپابيلمأن، چأره سيز گزدى.

   بير گون اير بيلن قـونگشولارى بولان پايزى(فيض) آخونينگ يانينا قارشى گيتدى.

   آخون يانگجا متجيددن گليپ، چاى ايچيپ اوتيردى.

  خـدر:

–       سالاوماليكيم، آخون ايشان.

–        واليكمه اسسالام، كؤكمى، قـورغينمى، نأمه، گؤرينمه يأنگ ده؟

–        آى، قاريپ اونگشيق بيلن باشيما قايلاپ يؤرين.

–        يؤرى، نأمه پـيشه لأپ چيقدينگ؟

–        اونچاقلى بير ايشيمآ يوق، يؤنه حكومت پـرمان حاجى نينگ قيزينى آليپ قاچاندا، آشير دايخانينگ اوغـلى مرادى توتوپ توسساغا ساليپدى. يانگقى ياقيندا هم اونگا چيبيق بارينى اوردولار. شوندان سونگ حاسسالاپ، شو واقت آغير ياتير.

–        ياتسا ياغشى اديپدير. ايندى بـئيـله ايشلرينگ يانيندان بارماز يالى قاوى بولوپدير!

–        ايندى يولا بئيله ايشلر اتمز ولى، شو واقت اول حـؤوه ره الجاسلاپ، حالى آغيرلاشيپدير. شول يرده حاراپ بولجاق اول. آخون ايشان، حــى بير ضمانت بولوپ، اونى آليپ بولمازميقا؟

–        اونى ضمانت بيلن آلماق سانگا قالديمى؟ اؤز قارينداشلارى بار، قــوى، شولار آلسينلار. بو گون سن آلسانگ، اول هم ارتير قايراق قاچيپ گيتسه، سونگ نأمه جوغاپ بره رسينگ؟

–        قاچيپ گيتمه نأمه ايشلأپ يؤر، آخون ايشان.

–        گزيپ يؤرن باتراق/ قول، آخرين، گورگندن، توركمنصحرادان قاچيپ گيتسه گيديبره ر دا، اونونگ ايزيندا نأمه سى بار.

–        آوال- آ آقاسى بار، قاليبرسه، تويلاردا چاپايمالى آتى بار.

–        بويون آلجاقمى سن، قاچسا، اونونگ آتينى و آقاسينى نينگ شونينگ يرينه اله دوشورمأنى؟

–        سيزينگ آيديانگيز نأمه، آخون ايشان؟ چيقيپ اؤيلرينه گلن گونى شونينگ آتينى منينگ قاپـيمدا گؤره رسينگ. اول آوال آ قاچماز، اگر قاچايسا دا، آقاسى بيلن آتى گـرو، من بويون آليارين.

–        بئيله جان چكيأرسينگ ده، سانگا مانگا اونونگ نأمه خيرى بولجاق؟

–        اول بير قاريپ اوغـلان، ايشان آخون. اونونگ كؤمگـى مانگا اؤنگ دگدى، سيزه ده دگــر. اول منينگ سؤزيمدن چيقابيلمز، ادن ياغشيليغينگيز اوچين، من حوكمان اوندان سيزه دگرلى بير زات آليپ بره رين. اونونگ شول آتى نأمأ ديـيسنگ دگــر.

–        بوليار دا، اونگاريپ بيلسم اوغـرونا چيقارين. حاوا، آتى حا ياغشى مال.

–        قاراض سيز بير غايرات ادينگ، آخون ايشان– ديـيپ، خدر چيقيپ گيتدى.

   ارته سى گون پايزى آخون تأزه گه يملرينى گه يـيپ، اؤيوندن چيقيپ اوغـرادى. شول بارشينا حكومتينگ تامى نينگ باسغانچاغى نينگ يانيندا گليپ گچن آدملارينگ اگين باشينا باقيپ دوران نظاميلارينگ يانيندا آياق چكدى. سونگرا باسغانچاقدان چيقيپ، گؤنى حاكمينگ يانينا باردى. حاكم هم شول واقت اؤزى نينگ گورگن بوينوندا اكديرن پاميغى نينگ يغيلماغا واقتى آز قالانى اوچين، «نأچه پوط آلارقام، پوطينى نأچه دن ساتارقام؟» دييپ، ميزينگ اوستوندأكى كاغـذى قارالاپ اوتيردى. اول آخونينگ گله نينى گؤريپ، ايشينى قويوپ:

  – او حـو، حاجى آخون حوش گؤرديك– دييپ، اؤر توروپ، آخونى قارشى آلدى. اونى اوتورغـوچدا اوتورديپ، اؤزى هم بؤورده دوران تكجأنى گتيريپ، آخونينگ سول طاراپـيندا اوتوردى. قاپـيدا دوران بير نظامى يه: «ايكى استكان چاى گتير» دييپ بويوردى. اولار چاى باشيندا اوندان موندان گوررينگ اتديلر. آخردا حأكيم:

­– يؤرى، حاجى آخون، نأمه حيذماتينگيز بار؟– ديـينـده، آخون:

–       اول قادار ايشيم يوق، يؤنه سيزه سالاما گلديم. اونسونگ هم سيزينگ توسساغينگيزدا ياتان مراد قاتى نأحوش دييپ اشيتديم. «آغـزيندان قان گليأر، اؤزى هم يامان اۆسگۆريأر» دييأرلر. شونى مانگا ضمانته برسينگيز.

– شـئيله مى، بوليار، بره يـيـن، اما شو شرط بيلن: «حاچان ياغشى بولاندا، يئنه گتيريپ، بيزه تأويل برمأگه سؤز برينگيز».

آخون:

« بوليار!– دييپ، حأكيمينگ ميزى نينگ اوستونده ياتان كاغـيذا اوچ دؤرد سطر ديل حاطى يازيپ، قول چكدى ده، حأكيمه اوزاتدى.

  سونگ حأكيم بيلن تيركه شيپ، مرادى آلماغا توسساغحانا گلدى. مراد بيچأره بولسا، حاقغايت حآلدان دوشوپ، هر غاغيراندا آغـزيندان قان گليپ ياتيردى. مراد بولارينگ قاپـيدان گله نينى گؤريپ، حاليم شئيله دييمأن يريندن توروپ، اولارا دوفيلدى. آخون هم: «سنى توسساغدان خلاص اتديم، ايندى قايغى اتمه» دييپ، اونونگ يانينا گلدى.

   مراد ايچيندن «حاوا دا، اؤنگ ده سن دألمى، منى توتدوران» دييپ، قآباغينى ساللادى. يئنه ده قــُوى، دوشمانينگ بو فرصتيندان پئـيدالانايئن» دييپ، آخونينگ يوزينه منتـدار قارايش بيلن سر ادن بولدى.

   آخون اونى اؤيلرينه گتيريپ تافشيردى.

  مراد اؤيلرينه گلنده، آقاسى نينگ اوتاغيندا سالنان ايكى دوشه گـى گؤريپ، شاقغا درلأپ، دوران يريندن اؤزينى آشاق قويبردى. اول دوشكلرده بولسا مرادينگ آقاسى بيلن گلينجه سى حاسسالاپ ياتيردى. قـونگشى اؤيدن مرادينگ سويتدش عيال دوغانى بى بى گليپ:

–       واخ، بالليم، گلدينگمى؟– دييپ، مرادى قوجاقلادى. مراد اؤنگكى مرادليغيندان الجاسلان (حال سيز) بولسا دا، اونونگ گؤزلرى اميدلى بير يالقيم بيلن يانياردى. اونونگ آياق اوستونده اوتورماغا حالى يوقدى. دوغانى نينگ سوراغـلارينا ياتان يريندن جوغاپ بريأردى. اولارينگ پوللارى بولمانسونگ، مرادى اوبانگ فلدشرينه باقديريپ بيلمه يأرديلر.مراد گلمأنكأ اوبا طبيبى گونده ايكى يولا گليپ، مرادينگ آقاسى بيلن گلينجه سينه باقان كيشى بولياردى. مراد گلن سونگ، اونگا باقماغا روغصات برمه يأردى.

   مرادينگ گله نى بأرى ايكى اوچ گون گچيپدى. خدر دا طواقا برگيسى نينگ قآلانينى اوزمك اوچين، شونگا پول دييپ اومچاليداقى سويتـخوره باريپ، قرض پول آليپ گلدى. گليپ ده مرادا قاراماغا باشلادى…

   خدرينگ قولونى چرمأپ، اونونگ حيذماتيندا بولوپ يؤره نينه اون اون ايكى گون گچيپدى. مراد گون گوندن قـواته گليپ، آياق اوستونه قالماغا باشلادى. مراد اؤزى نينگ آزاد بولماغى اوچين، خدرينگ اوينان اوينونى بيليأردى، اونونگ اوچين ده اول خدردان هيچ بير سيرينى گيزلمه يأردى.

   بير گون ايكيسى چــُولاجا اوتيرقالار خدر مراد:

–       مراد جان، سن شيندى ياغشى بولوپ باريانگ، نأحيلى بولار، بو ظاليملار سنى يئنه توسساغا سالسالار؟

–       واخ، اولارينگ دا (گلينجه سى بيلن آقاسينا قولونى اوزاديپ) و سنينگ آرا دوشه نينگ بوليار دا، يوغسام…

–        حاوا، يوغسام؟

  مراددان سس چيقمادى.

–       من بيليأرين … مراد جان، من أ: «بيلمه موق دا، گؤره موقدا» ديـيه رين. آقانگ هم حاسسا، اونگا دا حأضير بير زات اديپ بيلمزلر. يؤنه اؤنگ منينگ آخونا برن سؤزيم…

–        اول نأحيلى سؤز؟

–        آق بيلــك مسئله سى.

–        يوق خدر آقا، آق بيلــگــى من اولارينگ الينه دوشورمه رين.

–        اوندا نأمه اده ريس. اؤز گؤونيـنگدأكينى ات. اوندا من ايكى اوچ گون اوبادا بولمايـين، آسترابادا گيده يين، يوغسام مانگا دا «الى بار» دييپ آيدارلار.

–        بوليار، يؤنه ايزينا قآلايمالى.

–        يوق قآلماريس، من ارتير گيده يين.

   خدرينگ آسترابادا دييپ گيده نيندن ايكى گون گچيپدى. آخون حأكيمينگ يانينا باريپ، شوندان بيرباش مرادينگ اؤيونه قارشى قايتدى. بى بى اؤيلريندن مرادلارا گليأركأ، آخونينگ يتيپ گليأنينى گؤردى. گليپ، مرادا آيتدى. اوجاغينگ باشيندا دينگيرگه نيپ اوتوران مراد هم بى بى أ:

–       اجكه، اوندا منينگ اوستومه بير زات آت. آخون حاليمى سوراسا، ياغشى دييمه. «هيچ زات اييپ ايچه نوق» ديى. «آياق اوستونده ده اوتورابيله نوق» ديى– دييپ بوره نيپ ياتدى. بى بى هنيز جوغاپ بريپ برمأنكأ آخون ايچريك گيردى. آياق اوستونده دوران يريندن:

–        يؤرى، اوغـلانلار، سيرقاولارينگيز نه نگ؟ آياق اوستونه داغـى قاليپ بيليأرلرمى؟

بى بى ياشماغى نينگ آشاغيندان پـيشيرداپ:

–       گلنيميزأ غنيمت بار، تاياغا سؤيه نيپ داشاريق داغى چيقيپ گليأر. اما مراد جان بيلن آننانينگ كأن مازاسى يوق. اوچ دؤرت گون بولدى. مراد جانينگ داماغيندان هيچ بير زات گچه نوق. يانگـى توروزيپ آغزينا چاينى توتوپ برديم، كس كللأمى ايچيپ بيلمدى. شئيديپ ياتير دا، نأده يلى …

–        اى، غايغى اتمأنگ، ياغشى بولار انشاالله – دييپ، آخون ايزينا دؤندى.

آغشام دوشدى. مرادينگ يؤره گـى يئنه ده دؤندينى آليپ قاچجاق گيجه سيندأكى يالى بولوپ دونگكولده يأردى. اما بو گزك همه حركتينده بير حيلى آغيرليق، يواشليق باردى. اول ايلكى آغشامدان چرانينگ ياقيلمازليغينى دا اجكه سينه تابشيريپدى.

   مراد اوبانينگ حوروزلارى نينگ ايلكينجيسى قيغيران سونگ، يريندن توروپ، گه ينيپ، بيلينى كندر قوشاغى بيلن ماخول قوشادى دا، ايه رينى آليپ اؤيدن چيقيپ، آق بيلگينگ يانينا اوغـرادى. آخيردا اوت اييپ دوران آطى نينگ آرقاسينى آليپ، ايه رينگ آشاغيندا قويوليان يكجه تكه ليتگـه كچه سى بيلن قالتاپ، يئنه ده اؤيلرينه گلدى. اؤيلرى بيلن حوشلاشيپ، آق بيلگينگ يانينا دولاندى. اوستونه مونيپ، اوبانينگ آراسيندان آتينى يواشــرآغا دا سوريپ، اوبانگ يوقارى باشينا چيقدى. اول شول تآيدان آتـدان دوشوپ، آتى نينگ باشينى تأزه دن ماخول چكيپ، يانگادان آتلاندى. قايرا طاراپ اوزاليپ گيديأن جارلارينگ آراسيندان اؤتوپ، آق بيلگه نينگ باشينى بوشادانسونگ، دوز ميداندان چكيلن اتره گينگ آق يولونا دوشدى…